لنډي کوتل: خیبر ضلعه کې د انټرنېټ او ګرځنده شبکې بندښت دویمې ورځې ته ورسېد

لنډي کوتل — خیبر ضلعه کې د انټرنېټ خدمت او د ګرځنده تلیفون شبکو سیګنالونه لا هم په بشپړ ډول بند دي او دا بندښت دویمې ورځې ته ورسېد.

د خبریال خانزیب شینواري په وینا، د شبکې د بشپړ ځنډ له امله عام وګړي له سختو ستونزو سره مخ دي. د انټرنېټ او ګرځنده شبکو د نشتوالي له کبله خلک له خپلو خپلوانو سره په اړیکه کې نشي کېدای او د ورځني ژوند ډېرې چارې یې اغېزمنې شوې دي.

دا په داسې حال کې ده چې د لنډي کوتل په سیمه کې د اړیکو خدمتونه د خلکو د ژوند یوه مهمه برخه ګڼل کېږي، او د دې ځنډ اوږدېدل به ستونزې نورې هم زیاتې کړي.

سرچینه: خانزیب شینواری

Published: 13 October 2026, 09:12