په ضلع خیبر کې د امنیت ټینګ ساتلو لپاره د پولیسو درانه ځواکونه ځای پر ځای شول

ضلع خیبر: پولیسو په ضلع خیبر کې د امن و امان د وضعیت د ساتلو لپاره د ضلعې پر ټولو داخلي او خارجي لارو د پولیسو درانه ځواکونه ځای پر ځای کړي دي. صحافي صائم خان راپور ورکوي چې د پولیسو چارواکو ژمنه کړې چې په ضلع خیبر کې به د امن و امان وضعیت خرابېدو ته پرېنښودل شي. د راپور له مخې دغه ځواکونه د ضلعې د امنیت د ټینګښت لپاره ګومارل شوي دي. نن سهار باړه بازار کې د تحریک انصاف د مظاهره کوونکو پر ضد د پولیسو د اقدام او په جمرود کې د احتجاجونو له پیل وروسته پولیسو په ټوله ضلع کې خپل امنیتي تدابیر لا ټینګ کړي دي.

سرچینه: صائم خان — https://www.facebook.com/saim.khan.journalist/posts/pfbid08Qq5gwPmq9UMNbmUGiP4SznD61vJQmgNuaDHdWLNM2WNwFzp8jiqf9r7XQbNfSeRl